ရေပိုင်နက်အတွင်း နေထိုင်ကျက်စားလေ့ရှိသော ငါးမျိုးစိတ် မဟုတ်ကြောင်းနှင့် တောင်အမေရိကတိုက် အမေဇုန်မြစ် အတွင်းတွင် စတင်တွေ့ရှိခဲ့ရသည့် အယ်လီဂေတာဂါးဖစ်ရှ် (ခေါ်) မိကျောင်းနှုတ်သီးနှင့် ငါးဖြစ်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင် က ဇန်န၀ါရီ ၂၃ ရက်၌ ရှင်းလင်းပြောဆိုခဲ့သည်။
' ဒီလိုငါးမျိုးစိတ်ကို ကျွန်တော်ကိုယ်တိုင်လည်း မမြင်ဖူးခဲ့ဘူး။
မြန်မာနိုင်ငံမှာ တွေ့ရှိမှတ်တမ်းတင်ထားတဲ့ ငါးမျိုးစိတ်ပေါင်း ၁၀၀၀ ကျော်ထဲမှာလည်းမပါတဲ့အတွက် ပညာရှင်တွေကို
ပြသစုံစမ်းတဲ့အခါမှာ ဒီငါးမျိုးစိတ်ဟာ တောင်အမေရိကတိုက် အမေဇုန်မြစ်အတွင်းမှ စတွေ့ခဲ့ရပြီး အလှမွေးတဲ့ငါးမျိုးစိတ်အဖြစ် ကမ္ဘာမှာပျံ့နှံ့ရောက်ရှိနေခဲ့တာ ဖြစ်ပါတယ် ' ဟု ဇန်န၀ါရီ ၂၃ ရက်
မွန်းတည့် ၁၂ နာရီက ရန်ကုန်မြို့ မြန်မာနိုင်ငံ ငါးလုပ်ငန်းအဖွဲ့ချုပ် အဆောက်အအုံတွင် ပြုလုပ်ခဲ့သော သတင်းစာရှင်းလင်းပွဲ၌ ဦးဝင်းကြိုင်က ရှင်းလင်းပြောဆို ခဲ့ခြင်းဖြစ်သည်။
' ဒီငါးမျိုးစိတ်ဟာ မြန်မာ့ရေပိုင်နက်မှာ ရှိရမယ့် ငါးမျိုးစိတ်မဟုတ်တဲ့
အတွက် ကျွန်တော်တို့အနေနဲ့သုံးသပ်မိတာကတော့ နိုင်ငံခြားသားသော် လည်းကောင်း၊ နိုင်ငံသားတစ်ဦးတစ်ယောက် သော်လည်းကောင်း အလှမွေးငါး ၀ါသနာပါတဲ့ တစ်စုံတစ်ယောက်က အလှမွေးငါးအဖြစ် ယူဆောင်ထိန်းသိမ်းထားရင်းက လွတ်သွားသလား၊ လွှတ်လိုက်သလားဆိုတဲ့ အခြေအနေကိုပဲ လောလောဆယ် သုံးသပ်လို့ရပါတယ် ' ဟု ဦးဝင်းကြိုင်ကပင် ဆက်လက်ပြောဆိုခဲ့သည်။
အဆိုပါ မိကျောင်းနှုတ်သီးနှင့်ငါးကို ဇန်န၀ါရီ ၁၉ ရက်တွင် လှိုင်မြစ်အတွင်း ရွှေပြည်သာမြို့နယ်နှင့် ၀ါးတစ်ရာ ကျေးရွာ အကြား၌ မျှောပိုက်ချထားသည့် တံငါတစ်ဦးက ဖမ်းဆီးရမိခဲ့ခြင်းဖြစ်သည်။ ထို့နောက် ၀ါးတစ်ရာဆိပ်ကမ်းရှိ ငါးဒိုင်တစ်ခုတွင် ရောင်းချခဲ့ရာ ဂမုန်းပွင့် အမွှေးတိုင်လုပ်ငန်းနှင့် လယ်ယာလုပ်ငန်းများ လုပ်ကိုင်သူ ကိုညီမင်းထွဋ် က ငွေကျပ်ငါးသောင်းဖြင့်ဝယ်ယူကာ မြန်မာနိုင်ငံ ငါးလုပ်ငန်းအဖွဲ့ချုပ်သို့ လာရောက်ပြသခြင်း ဖြစ်သည်။ ၎င်းဝယ်ယူအပြီး မကြာခင် ယင်းမိကျောင်းနှုတ်သီးနှင့်ငါးမှာ သေဆုံးခဲ့ကြောင်းသိရသည်။
စံတော်ချိန် နေ့စဉ်သတင်းစာ
Aye Chan Mon# Credit To : The Mirror Daily> ပြန်လည် မျဝေခြင်း ဖြစ်ပါသည်
No comments:
Post a Comment