သင့်ကိုလူတွေက ကဲ့ရဲ့လာတဲ့အခါ ဘ၀ရဲ့အောင်မြင်မှုဆီကို ဘယ်လိုဆက်လက်ချီတက်မလဲ

True Man

Options for this story

သင့်ကိုလူတွေက ကဲ့ရဲ့လာတဲ့အခါ ဘ၀ရဲ့အောင်မြင်မှုဆီကို ဘယ်လိုဆက်လက်ချီတက်မလဲ
××××××××××××××××××××××××××××××××××××××××××××××××××××

“ငါ့ညီပြောင်ဝင်း မောင်သစ်ဆင်း
မင်းကိုသူမဲ လူပုံထဲ၌
ဆိုဆဲရိုင်းပျ သူရန်စလည်း
မင်းကမဖြုံ မင်းမမှုန်ခဲ့
မတုန်မလှုပ် မင့်ပြုံးရုပ်သည်
ဟုတ်လှပေစွ ဟုတ်ပေစွ။

အခါတစ်ပါး မြတ်ဘုရားကို
ပုဏ္ဏားဒွါဇ အမျက်ရှ၍
ငါဆနင်ပဲ မျိုးစုံဆဲ၏။
ဆိုဆဲအားရ ထိုခဏ၌
ဗုဒ္ဓဘုရား ထိုပုဏ္ဏားနှင့်
စကားချီချ ဆိုခဲ့ကြ။

“ဘာရဒွါဇ ဗြဟ္မဏ
အိမ်ဝရောက်လာ သင့်ဆွေညာအား
ရသာချိုအေး ခဲဖွယ်ပေး၍
မကျွေးသလော ကျွေးသလော”

“ငါ့ဆွေငါ့မျိုး ငါမြတ်နိုး၍
မုန့်မျိုးစုံစွာ သုံးဆောင်ပါဟု
ငါကျွေးမွေး၏ ငါပေး၏”

“ဘာရဒွါဇ ဗြဟ္မဏ
သူကငြင်းဆန် လက်မခံသော်
ကြံပျားဆီဥ ခဲဖွယ်စုသည်
မည်သူ့လက်မှာ ရှိသနည်း”

“သူမယူဘိ နေသည်ရှိသော်
ငါ၏လက်မှာ ရှိသည်သာ”
“ဘာရဒွါဇ ဗြဟ္မဏ
ငါ့အားသင်ပေး မယဉ်ကျေးသည့်
ဆဲရေးတိုင်းထွာ ဆဲတစ်ရာကို
ငါလက်မခံ” မိန့်လိုက်ဟန်သည်
သုတ္တန်ထင်ရှား ရှိတကား။

ငါ့ညီပြောင်ဝင်း မောင်သစ်ဆင်း
မင်းသိ မသိ ငါမသိခဲ့
ငါသိသည်မှာ သိရုံသာတည့်
မင်းမှာတစ်မူ ယူမတူတို့
ငြူစူမှိုင်းမှုန် အဆဲစုံ၌
မတုန်မလှုပ် မင့်ပြုံးရုပ်သည်
ဟုတ်လှပေစွ ဟုတ်ပေစွ။

(ဇော်ဂျီ)

လောကတွင် ဘ၀အောင်မြင်ရေး ကြိုးပမ်း နေသူတို့အဖို့ တစ်ခါတစ်ရံ တွင် ဝေဖန်ပြစ်တင်ကဲ့ရဲ့ရှုံ့ချမှုများနှင့် ကြုံတွေ့တတ်ကြရသည်။ လောက တွင် လူဆယ်ယောက်ရှိလျှင် ဆယ်ယောက်စလုံး မိမိကို ချစ်ခင်နှစ် သက်ထောက်ခံဖို့ မမျှော်လင့်ပါနှင့်။ဘယ်တော့မှမဖြစ်နိုင်။ လူဆယ်ယောက်ရှိ လျှင် မိမိကို ချစ်ခင်ထောက်ခံသူ လည်းရှိသလို ဝေဖန်ဆဲရေးသူတွေလည်း ရှိနိုင်ပါသည်။ သို့သော် ဆယ်ယောက်ရှိလျှင် ၅ယောက် အထက်က မိမိ ကို ထောက်ခံနှစ်သက်ပါက အောင်မြင်သည်ဟု သတ်မှတ်နိုင်သည်။

မိမိကို ဝေဖန်လာခဲ့သည်များကို ကြုံတွေ့ရပါက စိတ်မပျက်ပါနှင့်။ မိမိပြုပြင်စရာရှိသည် များကို ယင်းဝေဖန်မှုများမှတစ်ဆင့်သင်ယူပြုပြင်ပါ။ သို့သော် ယင်းဝေဖန်မှုများအပေါ် ခံစား စိတ်ဓာတ်မကျပါနှင့်။ မိမိလုပ်ဆောင် စရာရှိသည် များကို ယုံကြည်ချက်အပြည့်ဖြင့် ဆက်လက်လုပ်ဆောင်ပါ။ မိမိ တို့အလုပ်လုပ်နေသည်မှာ မိမိတို့ကို ထောက်ခံအားပေးသူများအတွက် ဖြစ် ပြီး မိမိတို့ကို ဝေဖန်ကဲ့ရဲ့သူများအတွက် မဟုတ် ကြောင်းကို အမြဲမမေ့ပါနှင့်။

လောက၏ သဘောသဘာဝကိုက ကောင်းမြတ်သည့်အရာများထက် ဆိုးယုတ်သည့်အရာ များအပေါ် ဖိ၍အာရုံစိုက်တတ်သည်။ ကောင်းတာအခု တစ်ရာလုပ်လျှင် တစ်ခါလောက်ချီးကျူး တတ်ပေမဲ့ မကောင်းတာ တစ်ခုလောက်လုပ်လျှင် အကြိမ်တစ်ရာလောက် ကဲ့ရဲ့တတ်ကြသည့် သဘောဖြစ်သည်။ သို့ဖြစ်၍ ဤသဘောသဘာဝကို ကောင်းစွာနားလည် သဘောပေါက်လျှင် မိမိကိုယ်ကို ထိန်းကျောင်း၍ အောင်မြင်မှုဆီ ကို ချီတက်နိုင်ကြမည်ဖြစ်သည်။

လောကတွင် ..
- အပြုသဘောစွမ်းအား (Positive Energy) နှင့်
- အဖျက်သဘောစွမ်းအား (Negative Energy) ဟူ၍ ၂ မျိုး သာရှိပါသည်။

လောက၏သဘောကိုက အဖျက်သဘော (Negative Energy) က အားကောင်းသည့် အတွက် အောင်မြင်ချင်သူများအနေဖြင့် မိမိတို့၏ အပြုသဘော (Positive Energy) ကို စနစ်တကျ လေ့ကျင့်ပျိုးထောင်ပြုစု ထားကြဖို့ လိုသည်။

မိမိတို့၏ Positive Energy က အခြားသူများ ၏ Negative Energy များထက် ပိုမိုသာလွန်နေလျှင်၊ မိမိတို့၏ယုံကြည်မှုများသည် အခြားသူ များ၏ သံသယများထက် ပိုမိုသာလွန်နေလျှင် မိမိတို့အနေဖြင့် ဘ၀ ၏အောင်မြင်မှုများကို သေချာပေါက် ဆွတ်ခူးနိုင်ကြမည်ဖြစ်သည်။

အရေးကြီးသည်မှာ ဘ၀တွင်ဝေဖန်ကဲ့ရဲ့မှု များခံလာရပါက အပြုံးမပျက်ဘဲ မိမိ၏အပြု သဘောစွမ်းအားများကို မြှင့်တင်ထားကြဖို့ ဖြစ် ပါသည်။

See you at the top!
လင်းသိုက်ညွန့် (မြန်မာ့မြေ)

JOB seekers Journal vol.2,No.35

 

 http://mr7cho.blogspot.com