ထွန်းအိန္ဒြာဗို၊ လင်းလင်း၊ ချစ်သုဝေတို့က
ဖေဖော်ဝါရီ ၁ဝ ရက်နေ့မှာ သြစတြေးလျကို တစ်လကြာဖျော်ဖြေ ရေးခရီး
သွားရောက်မှာဖြစ်ပြီး ဒေါ်အောင်ဆန်းစုကြည်ရဲ့ NLD ကျန်းမာရေးကွန်ရက်အတွက်
ရန်ပုံငွေဖျော်ဖြေပွဲ များဖြစ်ကြောင်း သိရပါတယ်။အဲဒီပွဲက ရရှိတဲ့
အနုပညာငွေကြေးများကိုလည်း လှူဒါန်းသွားမှာဖြစ်ကြောင်း ကို ဖျော်ဖြေ
ရေးခရီးစဉ်နဲ့ပတ်သက်ပြီး ထွန်းအိန္ဒြာဗိုက “ဆစ်ဒနီ၊ မဲလ်ဘုန်း၊ ဘရစဘိန်းနဲ့
ပါ့တ်မြို့တွေမှာ ဖျော်ဖြေမှာပါ။ စုံတွဲ သီချင်းတွေ ပြင်ဆင်ထားပါတယ်။
လင်းလင်း နဲ့ ကျွန်မနဲ့ စုံတွဲသီချင်း၊ ချစ်သုဝေနဲ့ ကျွန်မနဲ့လည်း
ပြင်ဆင်ထား တယ်။ လင်းလင်းနဲ့ ချစ်သုဝေ သီချင်းလည်းပါမယ်။ ကျွန်မတို့ ၃
ယောက်စလုံးရဲ့ သီချင်းတွေလည်း ပါပါတယ်။ ပွဲစီစဉ်သူတွေက
အမေစု(ဒေါ်အောင်ဆန်းစုကြည်) တို့ရဲ့ ကျန်းမာရေးကွန်ရက်အတွက်
အလှူလုပ်မယ့်ရှိုးပါ။
ကျွန်မတို့ကလည်း ကျွန်မတို့ရတဲ့ အနုပညာေ ကြးတွေကို
လှူမှာပါ။ ကျွန်မတို့က အမေစုကို အစကတည်းက ကြည်ညိုပြီးသားလေ။
ကိုယ့်တိုင်းပြည်မှာ ဒီလိုလူမျိုးတစ်ယောက် ပေါ်ထွန်းဖို့ဆိုတာ
ဘယ်လိုမှမျှော်တောင် မမျှော်မှန်းနိုင်တဲ့ကိစ္စပေ့ါ။ကိုယ် တတ်နိုင်သလောက်
ဝိုင်းကူတဲ့သဘောပါ။ ကျွန်မတို့လောလောဆယ် ရည်ရွယ်ထား တာကတော့ ကျွန်မရယ်၊
လင်းလင်းရယ်၊ ချစ်သုဝေ ရယ်က အမေစုရဲ့ ကော့မှူးမြို့နယ်အတွက်
အမေကြိုက်တာလုပ်ဖို့ လှူမှာပါ” လို့ အနုပညာငွေကြေးများကို လှူဒါန်းဖို့
စိတ်ကူးထားပုံများကို ပြောပြပါတယ်။
ထွန်းအိန္ဒြာဗို၊ လင်းလင်းနဲ့ ချစ်သုဝေတို့က ဖေဖော်ဝါရီ ၅ ရက်နေ့မှာတော့
သြစတြေးလျသံအမတ်နဲ့ သွားရောက် တွေ့ဆုံကာ ဒီခရီးစဉ်နဲ့ပတ်သက်ပြီး
ရင်းရင်းနှီးနှီးတွေ့ ဆုံစကားပြောဖြစ်ခဲ့ကြပါတယ်။
ခိုင်ဝေလွင်popularmyanmar
No comments:
Post a Comment