“ကော်မတီ၊ ကော်မရှင်ဆိုတဲ့ သဘောက သေးလေ ကောင်းလေပဲ၊ အဓိကက လုပ်ရည်ကိုင်ရည်ပဲ။ အရေအတွက်မှ မဟုတ်တာ” ဟု ဒေါ်အောင်ဆန်းစုကြည်က ၎င်း၏ ကန့်ကွက်မှုအပေါ် မှတ်ချက်ပြု ပြောဆိုသည်။ ယင်းသို့ ဖွဲ့စည်းရာတွင် အင်အားများနေသော ကြံ့ခိုင်ရေး ပါတီဝင်နှင့် တပ်မတော်သား ကိုယ်စားလှယ်များကို လျှော့ချ၍ အင်အားနည်းပါတီမှ ကိုယ်စားလှယ် တစ်ဦးစီ ထည့်သွင်းပေးရန် ချင်းတိုးတက်ရေး ပါတီဝင် လွှတ်တော် ကိုယ်စားလှယ် ဦးပေါ်လျံလွင်က တင်ပြ ပြောဆိုမှုကို လွှတ်တော်က မဲခွဲဆုံးဖြတ် ခဲ့သည်။ မဲခွဲ ဆုံးဖြတ်ရာတွင် ဒေါ်အောင်ဆန်းစုကြည် အပါအဝင် အမျိုးသား ဒီမိုကရေစီ အဖွဲ့ချုပ် (NLD) ပါတီဝင်များ၊ ကြံ့ခိုင်ရေး ပါတီဝင်များ၊ တပ်မတော်သား ကိုယ်စားလှယ်များက ယင်းအဆိုကို ကန့်ကွက်မဲ ၄၅၀ ရှိခဲ့ပြီး ထောက်ခံမဲ ၃၈ မဲသာ ရရှိကြောင်း တိုင်းရင်းသား လွှတ်တော် ကိုယ်စားလှယ် တို့က ပြောကြားသည်။
အဆိုပါ ကော်မတီ ဖွဲ့စည်းရာတွင် လွှတ်တော်အတွင်း ရောက်ရှိနေသော ပါတီ ၂၁ ပါတီအပြင် တပ်မတော်သား၊ တစ်သီး ပုဂ္ဂလတို့၏ ပါဝင်မှု ရာခိုင်နှုန်းကို အချိုးကျ ဖွဲ့စည်းရခြင်း ဖြစ်သောကြောင့် ဒီမိုကရေစီစံနှုန်းနှင့် ညီညွတ်ကြောင်း ပြည်ထောင်စု လွှတ်တော်နာယက သူရဦးရွှေမန်းက ပြောကြားသည်။ ယင်းကော်မတီတွင် ကြံ့ခိုင်ရေး ပါတီဝင် ၁၄ ဦး၊ တပ်မတော်သား ကိုယ်စားလှယ် ခုနစ်ဦး၊ အမျိုးသားဒီမိုကရေစီ အဖွဲ့ချုပ် (NLD) မှ နှစ်ဦးနှင့် အခြားပါတီနှင့် တိုင်းရင်းသား ပါတီများမှ ရှစ်ဦးဖြင့် ဖွဲ့စည်းထားကြောင်း လွှတ်တော် ကိုယ်စားလှယ်များက ပြောကြားသည်။
The Voice Journal
No comments:
Post a Comment